នៅក្រុមហ៊ុន The Body Shop យើងបានប្ដេជ្ញាដោះស្រាយបញ្ហាផ្លាស្ទីកខុសពីគេ។ ស្វែងយល់ពីរបៀបដែលយើងប្រយុទ្ធដើម្បីប្រជាជន និងភពផែនដីជាមួយនឹង អាជីវកម្មសហគមន៍កែច្នៃផ្លាស្ទីកឡើងវិញ មកពីបេងហ្គាលូរូ ប្រទេសឥណ្ឌា។ អាជីវកម្មរបស់យើងនឹងជួយលើកម្ពស់អ្នករើសសំរាមដែលយើងគាំទ្រជាមួយនឹងលទ្ធភាពធ្វើការក្នុងលក្ខខណ្ឌមួយដែលមានអនាម័យជាងមុន តម្លៃស្មើភាពជាងមុន និងទទួលបានការគោរព និងទទួលស្គាល់។
មិនមានអ្វីជាអាថ៌កំបាំងនោះទេដែលថាការបំពុលដោយផ្លាស្ទីកបានក្លាយជាបញ្ហាសកល ហើយភពផែនដីគឺកំពុងលិចលង់ក្នុងគំនរ ផ្លាស្ទីក។ ផ្លាស្ទីកគឺប៉ះពាល់ដល់សត្វរស់នៅក្នុងទឹក និងសមុទ្រ ហើយនឹងមនុស្សផងដែរ។
នៅប្រទេសឥណ្ឌា មួយភាគីបីនៃសំរាមគឺត្រូវបានទុកចោល។ កត្តានេះបានធ្វើឱ្យមានកំណើនដល់ 1.5 លាននាក់ដែលត្រូវបានគេស្គាល់ថា “អ្នករើសសំរាម” ដែលជាអ្នកដែលដើររើសសំរាមនៅក្នុងវិស័យមិនផ្លូវការ។ នៅ បេងហ្គាលូរូ យើងកំពុងធ្វើការជាមួយនឹងអង្គការ ដែលមានមោទនភាពហៅខ្លួនពួកគេថា “ចលករបៃតង”។ ពួកគេធ្វើការជាមួយនឹងអ្នករើសសំរាមដែលជាវីរៈបុរសលាក់មុខដែលធ្វើការមិនខ្លាចហត់នឿយក្នុងការសម្អាតផ្លូវតាមទីក្រុងរបស់ពួកគេ។
ប៉ុន្តែ “អ្នករើសសំរាម” គឺបង្កើតឡើងពីវណ្ណៈ ‘dalits’ ដែលត្រូវបានគេស្គាល់ជាផ្លូវការថា “វណ្ណៈចណ្ទាលី” ដែលជាក្រុមវណ្ណៈដែលទាបជាងគេបំផុតនៅក្នុងប្រព័ន្ធវណ្ណៈឥណ្ឌា។ មានន័យថា ពួកគេគឺងាយរងគ្រោះនឹងការរើសអើង និងទទួលបានលក្ខខណ្ឌការងារអន់ថោក។
នេះហើយជាមូលហេតុដែលយើងចង់ធ្វើកិច្ចការច្រើនជាងគ្រាន់តែប្រយុទ្ធនឹងការបំពុល។ យើងចង់ជម្រុញការផ្លាស់ប្ដូរសង្គម និងជួយផ្ដល់សិទ្ធិអំណាចដល់ប្រជាជនក្រីក្រផងដែរ។
ខាងលើ (ពីឆ្វេងទៅស្ដាំ)៖ Shameem, Rihana & Husna
ខាងក្រោម (ពីឆ្វេងទៅស្ដាំ)៖ ពីឆ្វេងទៅស្ដាំ)៖
ប្រជាជនជាង 3 ប៊ីលាននាក់ នៅជុំវិញពិភពលោកគឺកំពុងរស់នៅក្នុងប្រទេសដែលមិនមានការគ្រប់គ្រងកាកសំណល់ ដែលចំនួននេះគឺស្មើនឹងពាក់កណ្ដាលនៃប្រជាជនពិភពលោក។
គ្រាន់តែប្រទេសឥណ្ឌាមួយមាន “អ្នករើសសំរាម” ចំនួន 1.5 លាននាក់ ដែលធ្វើការនៅក្នុងវិស័យមិនផ្លូវការដើម្បីសម្អាតផ្លូវ និងទីក្រុងរបស់ពួកគេ។
រូបភាពពីឆ្វេងទៅស្ដាំ៖ Lilly Dibi & Naseema Bibi
នៅឆ្នាំ 2015 តម្លៃផ្លាស្ទីកដែលអ្នករើសសំរាមប្រមូលបានគឺធ្លាក់ចុះដល់ 60%។ តម្លៃនេះបានធ្លាក់ចុះកាន់តែក្នុងក្នុងរយៈពេលថ្មីៗនេះ។
រូបភាពខាងលើ៖ Mamata
“អ្នករើសសំរាម” គឺងាយរងគ្រោះចំពោះការបៀតបៀនពីនគរបាល ការផ្លាស់ប្ដូរទីលំនៅភ្លាមៗ និងមិនមានលទ្ធភាពទទួលបានសេវាសុខាភិបាល និងហិរញ្ញវត្ថុឡើយ។ ដល់ពេលហើយដែយើងត្រូវផ្ដល់សិទ្ធិអំណាច គាំទ្រ និងសាទរពួកគេ។
រូបភាពខាងលើ៖ Mamata
ទិន្នន័យតម្លៃធ្លាក់ចុះ *60% ដោយសារ Plastics For Change ផ្អែកលើការស្រាវជ្រាវរបស់ពួកគេ។
DOLLY គឺជាម្ដាយដែលមានអាយុ 20 ឆ្នាំ។ នាងកើតនៅក្នុងគ្រួសារអ្នករើសសំរាម នាងបានឈប់រៀននៅពេលនាងមានអាយុប្រាំបួនឆ្នាំដើម្បីទ្រទ្រង់គ្រួសារ។ ឪពុករបស់នាងបានជួលដីចំណែកតូចមួយនៅក្រវ៉ាត់ក្រុង បេងហ្គាលូរូ ជាកន្លែងដែលគាត់បានសង់ផ្ទះតូចសម្រាប់គ្រួសាររបស់គាត់ និងកម្មករផងដែរ។
តួនាទីចម្បងរបស់ Dolly គឺរើសសម្ភារស្ងួតដែលគេបោះចោល ជាពិសេសផ្លាស្ទីក ដែលអាចលក់បាននៅហាងអេតចាយ និងឈ្មួញ។ ចាប់តាំងពីថ្ងៃដំបូងនៃការរើសសំរាមរបស់អ្នក Dolly បានជួបប្រទះការបៀតបៀនរាប់មិនអស់ពីអាជ្ញាធរ ដែលជាទំនៀមនៃអ្នករើសសំរាម។ ឥឡូវនេះ នាងរីករាយជាមួយនឹងតំបន់សហគមន៍របស់គាត់ដែលប្រកបដោយសន្តិភាព និងសុវត្ថិភាព។
កាលពីឆ្នាំមុន Dolly បានឈប់ធ្វើការដោយសារតែគាត់បានក្លាយជាម្ដាយរបស់កូនស្រីម្នាក់ឈ្មោះ Marufa។ ក្ដីសុបិនរបស់គាត់គឺចង់ក្លាយជាជាងកាត់ដេរ ហើយផ្ដល់អនាគតមួយដ៏ត្រចះត្រចង់ដល់កូនរបស់គាត់។ តើយើងជួយដោយរបៀបណា?
នៅក្រុមហ៊ុន The Body Shop យើងប្ដេជ្ញាចិត្តដោះស្រាយបញ្ហាផ្លាស្ទីកតាមរបៀបផ្សេងពីគេ។
ការមិនប្រើប្រាស់ផ្លាស្ទីកគឺមិនមែនជាចម្លើយតែមួយនោះទេ។ ប្រសិនប្រើយើងប្រើវាដោយមានការទទួលខុសត្រូវ វាអាចមាននិរន្តរភាព ដូច្នេះយើងត្រូវការបង្ហាញពីក្ដីស្រឡាញ់របស់យើងចំពោះផ្លាស្ទីកដែលយើងបានប្រើប្រាស់រួច។
ធនធានដ៏សម្បូរហូរហៀរសម្រាប់ការកែច្នៃផ្លាស្ទីកគឺមានរួចជាស្រេចហើយ។ ហេតុដូចនេះហើយ យើងបានប្រើប្រាស់អាជីវកម្មសហគមន៍កែច្នៃផ្លាស្ទីកឡើងវិញពីបេងហ្គាលូរូ ប្រទេសឥណ្ឌា។
ការធ្វើបែបមិនមិនត្រឹមតែជួយយើងឱ្យដោះស្រាយបញ្ហាមានស្រាប់ប៉ុណ្ណោះទេ វាថែមទាំងនឹងជួយផ្ដល់សិទ្ធិអំណាចដល់អ្នករើសសំរាមដែលយើងជួយជ្រោមជ្រែងនៅបេងហ្គាលូរូ ជាមួយនឹងលទ្ធភាពក្នុងការទទួលបានលក្ខខណ្ឌការងារប្រកបដោយអនាម័យជាងមុន ទទួលបានតម្លៃត្រឹមត្រូវ និងទទួលបានការគោរព និងទទួលស្គាល់។
ខាងឆ្វេង៖ Veerama
Annamma គឺធ្លាប់ជាអ្នករើសសំរាមតាំងពីនាងនៅក្មេងវ័យមកម្ល៉េះ។ ឥឡូវនេះនាងជាអ្នកគ្រប់គ្រងមជ្ឈមណ្ឌលប្រមូលសំរាមស្ងួត (Dry Waste Collection Centre)។
ដោយមានការជួយពីអង្គការ Plastics for Change និង Hasiru Dala នាង Annamma ទទួលបានការបណ្ដុះបណ្ដាលជំនាញគ្រប់គ្រង ហើយបច្ចុប្បន្ននាងបាននាំមនុស្សជាច្រើនឱ្យចូលធ្វើការ រួមទាំងប្ដីរបស់នាងផងដែរ។
កូនស្រីរបស់ Annamma គឺកំពុងចូលរួមក្នុងវគ្គសិក្សាវិស្វកម្មផ្លាស្ទីក។ Annamma ចង់ឱ្យកូនស្រីរបស់នាងបន្តនៅក្នុងអាជីវកម្មគ្រប់គ្រងកាកសំណល់។
គាត់មានជីវិតពីក្មេងលំបាកលំបិន ឈរមើលម្ដាយរបស់គាត់ទីទ័លនៅពេលដែលគាត់នឹងម្ដាយត្រូវបាត់បង់ឪពុក។ ប៉ុន្តែ តាមការស្វែងយល់ថា គាត់អាចរកលុយតាមរយៈការរើសសំរាម ធ្វើឱ្យគាត់អាចកសាងអនាគតរបស់គាត់បាន។
ដោយមានការជួនពី អង្គការ Plastics for Change និង Hasiru Dala Krishna ចាកចេញពីការរើសសម្រមទៅប្រមូលសំរាមពីទីតាំង 24 កន្លែងផ្សេងៗពីគ្នានៅក្នុងទីក្រុង។ ឥឡូវនេះ គាត់គ្រប់គ្រងក្រុមមួយដែលផ្ដល់សេវាប្រមូលសំរាមប្រចាំខែសម្រាប់សណ្ឋាគារលំដាប់ផ្កាយ 3។
Krishna មានមហិច្ចតាខ្ពស់សម្រាប់អនាគតអ្នករើសសំរាមផ្សេងទៀតនៅក្នុងទីក្រុងបេងហ្គាលូរូ។
យើងបានចាប់ផ្ដើមប្រើប្រាស់ អាជីវកម្មសហគមន៍កែច្នៃផ្លាស្ទីកឡើងវិញនៅក្នុងដបសាប៊ូ 250 ml និងដបសាប៊ូផ្សេងទៀត។***
បន្ទាប់ផ្លាស្ទីកត្រូវបានប្រមូល និងចាត់ជាថ្នាក់នៅមជ្ឈមណ្ឌលបំបែកសំណល់ ផ្លាស្ទីកទាំងនោះគឺត្រូវបានសម្អាត គាបទៅជាដុំគូប និងដឹកចេញទៅអឺរ៉ុប ដែលជាកន្លែងបម្លែង សម្អាតគ្រប់ជ្រុងជ្រោយ និងកម្ចាត់មេរោគ។ ជ័រដែលបានមកពីសំរាមនេះគឺត្រូវបានធ្វើតេស្តសម្រាប់ស្តង់ដារចំណីអាហារ និងត្រូវបានបម្លែងទៅជាគ្រាប់តូចៗ និងកែច្នៃឡើងវិញទៅជាដប។ នាពេលអនាគត យើងចង់ទិញទិញផ្លាស្ទីកកែច្នៃឡើងវិញរបស់អាជីវកម្មសហគមន៍ ពីដៃគូរបស់យើង ដូច្នេះយើងអាចប្រើប្រាស់ផ្លាស្ទីកទាំងនេះនៅក្នុងការវេចខ្ចប់ផលិតផលរបស់យើងកាន់តែច្រើន និងរក្សាឱ្យនូវនិរន្តរភាពថែមទៀត។
យើងដឹងថាយើងមានផ្លូវដើរទៅមុខវែងឆ្ងាយទៀត ប៉ុន្តែកុំបារម្ភអី។ នេះគឺគ្រាន់តែជាការចាប់ផ្ដើមនៃភាពជាដៃគូអាជីវកម្មសហគមន៍របស់យើង និងការប្ដេជ្ញាចិត្តរបស់យើងក្នុងការដោះស្រាយបញ្ហាផ្លាស្ទីក។ តើអ្នកណាអាចដឹងបានថាយើងអាចសម្រេចបានអ្វីបន្ទាប់ទៀតនោះ?
***ផ្លាស្ទីកដែលអាចកែច្នៃឡើងវិញបាន 100% ជាមួយនឹងផ្លាស្ទីកដែលកែច្នៃឡើងវិញរបស់អាជីវកម្មសហគមន៍សហគមន៍ 15% លើកលែងតែគម្របដបរបស់យើង។
យើងកំពុងផ្លាស់ប្តូរវិធីដែលយើងគិតអំពីផ្លាស្ទិច និងការវេចខ្ចប់ ដូច្នេះយើងអាចធ្វើការឆ្ពោះទៅរកម៉ាកយីហោដែលមាននិរន្តរភាពជាងនេះ។ ស្វែងយល់អំពីគំរោងដែលយើងកំពុងធ្វើដើម្បីធ្វើអោយវាក្លាយជាការពិត។
